LEGO EV3 është një platformë e shkëlqyeshme për të ndërtuar robotë inteligjentë dhe për të eksperimentuar me teknologjinë e automatizimit. Një nga aspektet më të rëndësishme të kësaj platforme është shfrytëzimi i sensoreve të ndryshëm, të cilët mund të ndihmojnë robotin të kryejë shumë funksione të ndryshme.

Në këtë platformë, gjejmë sensorin e ngjyrave, sensorin e prekjes dhe sensorin me rreze infra të kuqe. Çdo sensor ka bloqet e veta në LEGO EV3 Classroom dhe secili prej tyre ka një funksion të vecantë.

Në fotografi, janë paraqitur të gjitha blloqet që mund të shfrytëzohen me sensorin e ngjyrave. Një shembull i thjeshtë i përdorimit të këtij sensori është ndjekja e një linje të thjeshtë në një sipërfaqe të bardhë.

Në vazhdim, do t'ju paraqesim një shembull të robotit, ku ai lëviz para vetëm nëse zbulon ngjyrë të zezë.

Sensori i prekjes- Në vazdhdim do të shohim blloqet që përdoren për sensorin e prekjes.

Përveç sensorit të prekjes, në EV3 Classroom gjithashtu kemi tastet e EV3 tullës që janë të paraparë si sensorë të prekjes. Funksionalitetin e sensorit e kemi shpjeguar në kurset e mëparshme, për këtë arsye në vazhdim do t'ju sjellim shembuj praktik.

Shembulli paraqet lëvizjen përpara të robotit për një rrotullim, por kjo lëvizje është e kushtëzuar nga sensori i prekjes. Në këtë rast, përderisa sensori i prekjes nuk shtypet, roboti nuk lëviz. Në momentin kur sensori do të shtypet, atëherë do të fillojë ekzekutimi i mëtejshëm i programit.

Siç mund të vërehet në këtë shembull, njejtë si në shembullin paraprak, që roboti mund të fillojë lëvizjen duhet që të shtypet sensori i prekjes. Arsyeja pse kjo është e mundur është sepse këtu është marrë blloku që mundëson levizje të pandërprerë, e patjetërsueshme është vendosja e një blloku tjetër në këtë rast kemi bllokun i cili mundëson shtypjen e tastit qendror të EV3 tullës. Siç e kemi theksuar më parë, këto taste mund të shfrytëzohen edhe si sensorë të prekjes. Në këtë rast, shtypja e këtij tasti do të mundësojë ndërprerjen e lëvizjes së robotit.

Sensori me rreze infra të kuqe- Në vazhdim, do t'ju sjellim blloqet që mund të shfrytëzohen për këtë sensor në aplikacionin EV3 Classroom.

Në këtë shembull, do të paraqesim një situatë kur roboti do të lëshojë një tingull të caktuar në momentin kur largësia e tij nga një objekt tjetër do të jetë më e vogël se 15 cm.